සටහන – රුවන් නෙළුගොල්ල
ජලභීතිකාව වැළඳී ප්රතිකාර ලබමින් සිටි පාසල් සිසුවෙකු අද (අප්රේල් 27) ගාල්ල ජාතික රෝහලේදී මියගොස් තිබේ.
මෙසේ මියගොස් ඇත්තේ හත් හැවිරිදි පාසල් සිසුවෙකි. ඔහුව රෝහල්ගත කර ඇත්තේ පසුගිය 24 වනදා ය.
පසුගිය මාසයේදී නිවසේ ඇතිකරන බලු පැටවකු මෙම සිසුවාගේ මුහුණ සූරා ඇති අතර ඔහු නිවැසියන්ට ඒ පිළිබඳව නොපවසා බිම වැටීමෙන් සිදුවූ තුවාලයක් බව හඟවා ඇති බව සඳහන්.
පසුව එම සිසුවා රෝග ලක්ෂණ පෙන්නුම් කිරීමට පටන් ගැනීමත් සමග පසුගිය 24 වනදා රෝහල්ගත කර ඇති අතර ප්රතිකාර ලබමින් සිටියදී ඔහු මියගොස් ඇත.
සිසුවාගේ දේහය මරණ පරීක්ෂණයක් පැවැත්වීමෙන් අනතුරුව දෙමව්පියන්ට භාරදී ඇත.
නිවසේ සුරතලයට ඇතිකරන සතුන් නිසි ආකාරයෙන් ජලභීතිකාව සඳහා එන්නත් කිරීමටත් සතෙකුගේ සපාකෑමකට හෝ සීරීමකට ලක්වුවහොත් වහාම නිසි පරිදි වෛද්ය ප්රතිකාර ලබාගැනීමත් අත්යාවශ්ය වේ.
