කොළඹ LNW:විදේශ ණය ගෙවීමකදී අස්ථානගත වූ ඩොලර් මිලියන 2.5 ක මුදල බැර වූ බැංකු ගිණුම පිළිබදව තොරතුරු ලබා ගැනීමට මහ බැංකු මූල්‍ය බුද්ධි ඒකකය මේ වන විටත් විමර්ශනයක් අරඹා ඇති අතර ඊට ඕස්ට්‍රේලියානු ෆෙඩරල් පොලීසියේ සහායද හිමිව තිබෙන බව වාර්තා වෙයි.
ඊට අමතරව මෙම සිදුවීම සම්බන්ධයෙන් අපරාධ පරීක්ෂණ දෙපාර්තමේන්තුව වෙනම විමර්ශනයක් සිදු කරන අතර, එම විමර්ශනය මත පදනම්ව අපරාධ පරීක්ෂණ දෙපාර්තමේන්තුව මේ වන විටත් භාණ්ඩාගාර නිළධාරීන් හත් දෙනෙකුගෙන් ප්‍රකාශ සටහන් කරගෙන ඇති බව සඳහන්.
ඊට අමතරව, මෙම නිළධාරීන් භාවිතා කරන ලද පරිගණක යන්ත්‍ර සිය භාරයට ගැනීමටද අපරාධ පරීක්ෂණ දෙපාර්තමේන්තුව කටයුතු කර තිබේ.
