දඹුල්ල මූලික රෝහලේ කාර්ය මණ්ඩලයේ 63 දෙනෙකුට ඩෙංගු උණ රෝගය වැළඳී ඇති බවත් ඒ හේතුවෙන් රෝහලේ ප්රතිකාර සේවා පවත්වාගෙන යාම ගැටලු සහගත වී ඇති බවත් වාර්තා වේ.
වෛද්යවරුන් කිහිපදෙනෙකු, හෙදියන්, උපස්ථායකයින්, කම්කරුවන් ඇතුළු එම රෝහලේ විවිධ අංශවල සේවකයින්ට මෙසේ ඩෙංගු රෝගය වැළඳී ඇති බව සඳහන්.
රෝහලේ සමස්ත කාර්ය මණ්ඩලය ලෙස 550 දෙනෙකුට වැඩි පිරිසක් සේවය කරති.
මේ සම්බන්ධයෙන් මාධ්ය කළ විමසීමකදී දඹුල්ල නාගරික සෞඛ්ය වෛද්ය නිලධාරී සමිත කන්නන්ගර මහතා සඳහන් කර තිබුණේ මේ තත්වය පිළිබඳව රෝහල් බලධාරීන් තමන්ව දැනුවත් කර ඇති බවත් ඒ අනුව රෝහල් පරිශ්රය මෙන්ම අවට ප්රදේශය ද පිරිසිදු කිරීමට කටයුතු කළ බවත් ය.
මේ වනවිට දිවයින පුරා ඩෙංගු රෝගය හිස ඔසවමින් පවතින අතර බස්නාහිර පළාත තුළ ඩෙංගු මර්දන සතියක් ද ක්රියාත්මක වේ.
RN
