සටහන – පුලී
අප්රේල් 30, ලෝකය (අවුට්බවුන්ඩ් ටුඩේ): එංගලන්තයේ කාර්මික ජීවිතය නිරූපණය කිරීම සඳහා ප්රසිද්ධියක් ඉසිලූ, එකල වඩාත් කීර්තිමත් කලාකරුවෙකු ලෙස ලෝරන්ස් ස්ටීවන් ලෝරි හැඳින්විය. ඔහුගේ සමහර නිර්මාණයන් 1925 මැන්චෙස්ටර් සිවිල් සතියේදී ප්රදර්ශනය කිරීමට ද කටයුතු කර තිබිණි.
මාධ්යවේදී ඒ.එස්. වොලස් ඔහුගේ සිතුවම්වලින් සංවේගයට පත් වූ අතර ඉන් එකක් මිලදී ගැනීමට ඉල්ලා ලෝරි සමඟ මිත්ර විය.
ලෝරි ඊට එකඟ වෙමින් ඔහුගේ “Going to the Mill” නිර්මාණය පවුම් 30 සිට පවුම් 10 දක්වා අඩු කරමින් ඔහුට එය ලබාදීය. එපමණක් නොව ඔහු “The Manufacturing Town” පවා නොමිලේ ලබා දුන්නේය.
“Going to the Mill” සිතුවම අද දක්වා වොලස්ගේ පවුල හරහා පැවත එන ලද අතර, දැන් එය ලියොන් සහ ටර්න්බුල් හරහා වෙන්දේසියකට ද ඉදිරිපත් කර ඇත. සිතුවම ඩොලර් 940,000 සිට ඩොලර් මිලියන 1.34 දක්වා පූර්ව අලෙවි ඇස්තමේන්තුවකින් මේ වනවිට පසුවේ.
සිතුවම සමඟ ලෝරිගෙන් වොලස් වෙත ලැබුණු ලිපියක් ද ඇත.
“මිසිස් වොලස් Going to Work පින්තූරයට කැමති වීම ගැන මම ඉතා සතුටු වන අතර කරුණාකර The Manufacturing Town සිවිල් සතියේ සිහිවටනයක් ලෙස පිළිගන්නා ලෙස ඔබෙන් ඉල්ලා සිටිමි. ඒ ඉකුත් සෙනසුරාදා උදෑසන ගැන සිතීම සැමවිටම මහත් සතුටක් ගෙනදෙන බව මට සහතික විය හැකිය. ලෝරි එහි මෙසේ සටහන් කර තිබිණි.
ලෝරිගේ මේ දක්වා පැවති වඩාත්ම මිල අධිකම මහජන අලෙවිය සිදු වූයේ 2022 දී ඔහුගේ පසුකාලීන සිත්තමක් ඩොලර් මිලියන 10 කට වඩා වැඩි ප්රමාණයකට අලෙවි වූ අවස්ථාවේදීය.
