සටහන – රෂිකා හෙන්නායක
මැයි 02, කොළඹ (LNW): මුදල් රාජ්ය අමාත්ය ශෙහාන් සේමසිංහ මහතා, ආසියානු සංවර්ධන බැංකුවේ වාර්ෂික සමුළුවට සහභාගී වීම සඳහා ජෝර්ජියාව බලා පිටත්ව ගොස් ඇති බව වාර්තා වේ.
එම සමුළුව අද සිට ලබන 05 වැනි දා දක්වා ජෝර්ජියාවේ ට්බිලිසි අගනුවර දී පැවැත්වීමට නියමිත අතර, ආසියානු සංවර්ධන බැංකුවේ ආරම්භ සාමාජිකයෙකු වන ශ්රී ලංකාව එහි මූල්ය පහසුකම් මගින් මෙරට ආර්ථික වර්ධනය සඳහා විවිධ සහය ලබා ගෙන ඇති බව පැවසේ.
අමාත්යවරයා සඳහන් කළේ , සමුළුව සඳහා අර්ථවත් දායකත්වයක් ලබා දීමට අපේක්ෂා කරන බවත් මෙවර සමුළුව සෙසු සාමාජික රටවල් සමග හවුල්කාරීත්වය ඇති කර ගැනීමේ සංසදයක් වනු ඇතැයි අපේක්ෂා කරන බවයි,
