කොළඹ LNW:පළාත් පාලන මැතිවරණයෙන් සමඟි ජන බලවේගය නොඅනුමානව විශිෂ්ට ජයග්‍රහණයක් ලබන අතර ගම් හදා රට හදන නගර හදා රට හදන වැඩපිළිවෙළට එක්වෙන බව විපක්ෂ නායක සජිත් ප්‍රේමදාස මහතා පැවසීය.
විපක්ෂ නායකයා මේ බව පැවසුවේ අද (06) සිය ඡන්දය ප්‍රකාශ කිරීම සඳහා රාජගිරිය කොටුවේගොඩ විවේකාරාම පුරාණ විහාරස්ථානයේ ජන්ද මධ්‍යස්ථානයට පැමිණි අවස්ථාවේ මාධ්‍ය වෙත අදහස් දක්වමිනි.
නිදහස් නිවහල් ප්‍රජාතන්ත්‍රවාදී මැතිවරණයක් වෙනුවෙන් සියලු දෙනා අත්වැල් බැද ගන්නා ලෙසත් එහි දී ජනතාව ලබා දෙන තීරණයට සියලු දෙනාම ගරු කරන ලෙසත් මැතිවරණ නීති කඩ නොකර විධිමත්ව මේ ප්‍රජාතන්ත්‍රවාදය ක්‍රියාත්මක කරන ලෙසත් ප්‍රේමදාස මහතා එහිදී අවධාරණය කරන ලදී.
ආශිකා බ්‍රාහ්මණ
