සටහන – රෂිකා හෙන්නායක
කොළඹ (LNW): මුලතිව් ප්රදේශයේ පදිංචිව සිටි පුද්ගලයින් 10 දෙනෙකු සරණාගතයන් ලෙස ඊයේ (06) අලුයම මුහුදු මාර්ගයෙන් ධනුෂ්කෝඩි වෙත ගොස් ඇති බව , ඉන්දීය මාධ්ය වාර්තා කරයි. ළමුන් තිදෙනෙකු සහ කාන්තාවන් සිව්දෙනෙකු අදාළ පිරිස අතර සිටින බව සඳහන් වේ.
පවතින ආර්ථික අර්බුද හමුවේ තමන් මෙලෙස ඉන්දියාවට පැමිණි බව අදාළ පුද්ගලයින් සඳහන් කර ඇති අතර , පසුගිය මාර්තු මාසයේ සිට මේ දක්වා කාලය තුළ පුද්ගලයින් 254කට වැඩි සංඛ්යාවක් සරණාගතයින් ලෙස ඉන්දියාවට ගොස් ඇති බව වාර්තා වේ. මෙම සරණාගතයින් පිරිස ද මණ්ඩපම් පුනරුත්ථාපන මධ්යස්ථානය වෙත රැගෙනයාමට ඉන්දීය ආරක්ෂක අංශ කටයුතු කර තිබේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත;