සටහන – රෂිකා හෙන්නායක
මැයි 08, කොළඹ (LNW): හිටපු මහ බැංකු අධිපති අජිත් නිවාඩ් කබ්රාල් මහතා විසින් තමන්ට එරෙහි විදෙස් ගමන් තහනම සම්පුර්ණයෙන් ඉවත් කරන ලෙස කළ ඉල්ලීම කොටුව මහේස්ත්‍රාත් කෝසල සේනාධීර මහතා ප්‍රතික්ෂේප කළ බව සඳහන් වේ.
අජිත් නිවාඩ් කබ්රාල් මහතාට විදෙස් ගමන් තහනමක් පනවා ඇත්තේ, රජයට අයත් ඇමෙරිකා ඩොලර් මිලියන 6යි දශම 5ක මුදලක් සාවද්‍ය පරිහරණය කළ බවට වන නඩුවට අදාළව වේ.
කෙසේ වෙතත් මෙම නඩුවෙහි සැකකරුවෙකු ලෙස කබ්රාල් මහතා නම් කර නැති බව පොලිසිය අධිකරණයට දන්වා සිට ඇති අතර විමර්ෂණ අනුව ඕනෑම අවස්ථාවක සැකකරුවෙකු ලෙස නම් කළ හැකි බවත් විදේශ ගත වුවහොත් විමර්ෂණවලට බාධා විය හැකි බවත් පවසමින් මහේස්ත්‍රාත්වරයා අදාළ ඉල්ලීම ප්‍රතික්ෂේප කර ඇත.
මහේස්ත්‍රාත්වරයා දන්වා සිටියේ, විදේශ ගත වීමට අවශ්‍ය වුවහොත් එම අවස්ථාවේ අදාළ ඉල්ලීම සිදුකරන ලෙසයි.
