ශ්‍රී ලංකාවේ ණය ප්‍රතිව්‍යුහගතකරණයට අදාළව නිල ණයහිමි කමිටුවක් පිහිටවූ බව පැරිස් සමාජය පවසයි.
මෙරට ණය ප්‍රතිව්‍යුහගත කිරීමට අදාළ පළමු සාකච්ඡාව මාර්ගගත ක්‍රමය ඔස්සේ ඊයේ (09) පැවති අතර එම සාකච්ඡාවෙන් පසු නිවේදනයක් නිකුත් කරමින් පැරිස් සමාජය මේ බව ප්‍රකාශ කර ඇත.
ඒ අනුව ණයහිමි රටවල් 17ක සහභාගීත්වයෙන් අදාළ නිල කමිටුව පිහිටුවා ඇති අතර ඉන්දියාව, ජපානය සහ ප්‍රංශය එම කමිටුවේ සම ප්‍රධානත්වය දරයි.
මෙම පළමු සාකච්ඡාව සඳහා චීනය නිරීක්ෂක මට්ටමින් සහභාගී වී ඇති අතර ඉදිරි සාකච්ඡා සඳහා ඔවුන් පූර්ණ සාමාජිකයකු වශයෙන් සහභාගී වනු ඇතැයි අපේක්ෂා කරන බව ජපානයේ ඉහළ පෙළේ මූල්‍ය නියෝජිත මසාටෝ කණ්ඩා මහතා සඳහන් කළේය.
RN
