සටහන – රෂිකා හෙන්නායක
මැයි 12, කොළඹ (LNW): මහනුවර ප්රදේශයේදී අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකයේ නිලධාරීන් විසින්, අධ්යයන පොදු සහතික පත්ර සාමාන්ය පෙළ විභාගයේ ඉංග්රීසි ප්රශ්නපත්රය වට්ස්ඇප් වෙත මුදාහැරීමේ සිද්ධියට සම්බන්ධ උපකාරක පංති ගුරුවරයා අත්අඩංගුවට ගෙන තිබෙන බව පොලිසිය පවසයි.
පසුගිය 09 වනදා , අධ්යයන පොදු සහතික පත්ර සාමාන්ය පෙළ විභාගයේ ඉංග්රීසි ප්රශ්න පත්රය පැවැත්වුණු අතර කාලසටහනට අනුව ප්රශ්න පත්රය සිසුන්ට උදෑසන 8.30ට ලබා දී තිබූ අතර මෙම සැකකාර ගුරුවරයා විසින් එම ඉංග්රීසි ප්රශ්න පත්රය වට්ස්ඇප් සමූහ වෙත මුදාහැර තිබුණේ උදෑසන 9.11ට පමණයි.
අත්අඩංගුවට ගත් සැකකාර උපකාරක පංති ගුරුවරයා අද අධිකරණයට ඉදිරිපත් කිරීමට නියමිත බව පැවසේ.
