දිට්වා සුළි කුණාටුවෙන් පසු ජාතික ජන බලවේග රජයෙන් විශාල වන්දි මුදල් ලබාදීම නිසා ගම්වල ජනතාව තමන් එම සුළි කුණාටුවෙන් ආපදාවට ලක්නොවීම සම්බන්ධයෙන් දුක්වුණු බව ජාජබ ගම්පහ දිස්ත්‍රික් පාර්ලිමේන්තු මන්ත්‍රී රුවන් මාපලගම මහතා පවසයි.
මෙය ලංකා ඉතිහාසයේ මෙවැන්නක් සිදුවූ පළමු අවස්ථාව බවයි මන්ත්‍රීවරයා සඳහන් කළේ.
“විපක්ෂය අර හිනාවෙමින් ඇහුවානෙ තහඩුවක් ගියත් ලක්ෂ 10 දෙනවාද කියලා, මගෙ ළඟ තියන සංඛ්‍යා දත්ත මම ඉදිරිපත් කරන්නම්. මං හිතන්නෙ ලංකා ඉතිහාසයේ මේ දිට්වා සුළි කුණාටු තත්වය තමයි ආපු එකම විපත, ස්වභාවික විපතකට පස්සේ අපේ ගම්වල ජනතාව දුකට පත්වුණා මේ ආපදාවට තමන් ලක්නොවීම පිළිබඳව. ඒ කියන්නෙ ගෙදරට වතුර දැම්මෙ නෑනෙ කියලා දුක්වුණා. හේතුව, අසල්වැසියාගෙ ගෙදරට වතුර දැම්මාම 25000යි, ගෘහ උපකරණ ලබාගන්න 50000යි දෙනකොට ඒ තත්වය”
රුවන් මාපලගම මන්ත්‍රීවරයා මේ බව පැවසුවේ සිරස රූපවාහිනී නාලිකාවේ විකාශය වූ දේශපාලන සංවාදයකට එක්වෙමිනි.
මන්ත්‍රීවරයා මෙම වීඩියෝව ඔහුගේ ෆේස්බුක් පිටුවෙහි ද පළකර තිබුණු අතර ජනතාව ඊට දැඩි ලෙස දෝෂාරෝපණය කර තිබෙනු ද දැකගත හැකිවිය.
