කොළඹ LNW: විද්‍යාපීඨ ගුරුවරුන් 7800කට ජූනි 15 දින නව පත්වීම් ලබා දෙමින් ජාතික හා පළාත් පාසල්වල ගුරු හිඟය පියවීමට පියවර ගන්නා බව අධ්‍යාපන අමාත්‍ය සුසිල් ප්‍රේමජයන්ත් මහතා පවසයි.
අමාත්‍යවරයා මේ බව සඳහන් කළේ අද (18) ඉන්දියානු මහකොමසාරිස් ගෝපාල් බග්ලේ මහතාගේ සහභාගීත්වයෙන් අමාත්‍යංශයේදී පැවති සාමාන්‍ය පෙළ සමත් අඩුආදායම්ලාභී පවුල්වල දරුවන්ට උසස් පෙළ හැදෑරීම වෙනුවෙන් ගාන්ධි ශිෂ්‍යත්ව ලබා දීමේ වැඩසටහනට එක්වෙමිනි.
විද්‍යාව,තාක්ෂණය හා භාෂාව වැනි ගුරු හිඟය වැඩි වශයෙන් පවතින විෂය ක්ෂේත‍්‍රවලට අනුමැතිය ලබාගැනීමෙන් පසු විශ්ව විද්‍යාලවලින් පිට වන වයස 35ට අඩු උපාධිධාරීන් අතරින් ජාතික හා පළාත් මට්ටමින් ගුරුවරුන් බඳවාගැනීමටත් ඉදිරියේ දී පියවර ගන්නා බව ද ප්‍රේම්ජයන්ත් මහතා කියාසිටියේය.
එමෙන්ම ලබන වසරේ දී සාමාන්‍ය පෙළ හා උසස් පෙළ යන විභාග දෙකම එකම වසරක් තුළ පැවැත්විය හැකි පරිදි අධ්‍යයන කටයුතු ක‍්‍රමානුකූලව සාමාන්‍ය තත්ත්වයට ගෙන එමින් විභාග කාලසටහන යාවත්කාලීන කරන බවත් හෙතෙම වැඩිදුරටත් ප්‍රකාශ කළේය.
ASK
