2023 වසරේ මුල් කාර්තුවේදී වාහන මිලියන 1.07 ක් අපනයනය කරමින් චීනය ජපානය අභිබවා ගොස් ඇති බව චීන රාජ්ය මාධ්ය වාර්තා කර තිබේ. එය පසුගිය වසරට සාපේක්ෂව 58%ක වැඩිවීමකි.
මීට සාපේක්ෂව ජපානය වාහන අපනයනය පෙර වසරට වඩා 6%කින් ඉහළ දමා ඇති අතර, පසුගිය මාස තුන තුළ ඔවුන් අපනයනය කර ඇති මෝටර් රථ සංඛ්යාව 954,185කි.
පසුගිය වසරේ චීනය ජර්මනිය අභිබවා ලොව දෙවන විශාලතම මෝටර් රථ අපනයනකරු බවට පත් වූ අතර විදුළි මෝටර් රථ සඳහා රුසියාවෙන් ඇති ඉල්ලුම හේතුවෙන් ඔවුන් ජපානය අභිබවා යාමට මෙවර සමත් විය.
පැසිෆික් සාගරයේ කිලෝමීටර් 37ක් (සැතපුම් 23ක්) ගැඹුරින් වාර්තා වූ රිච්ටර්මාපකාංග 7.7ක ප්රබල භූ කම්පනයක් හේතුවෙන් එක්සත් ජනපද භූ විද්යා සමීක්ෂණ කාර්යංශය විසින් පැසිෆික් සාගරයේ රටවල් සඳහා සුනාමි අනතුරු අඟවීම් නිකුත්කර තිබේ.
මේ සම්බන්ධයෙන් ඕස්ට්රේලියාවේ කාලගුණ විද්යා කාර්යාංශය පැවසුවේ, ඕස්ට්රේලියාවේ ප්රධාන ගොඩබිමට සුනාමි තර්ජනයක් නොමැති නමුත් ටස්මන් මුහුදේ සිඩ්නි සිට කිලෝමීටර 780 ක් (නාවික සැතපුම් 421) ඊසාන දෙසින් පිහිටා ඇති ලෝඩ් හෝව් දූපත තර්ජනයට ලක්ව ඇති බවයි.
නවසීලන්තයේ ජාතික හදිසි කළමනාකරණ ඒජන්සිය විසින් නිවේදනය කර තිබුණේ, වෙරළ ප්රදේශවලින් සහ වරායන්, ගංගා හෝ මෝයවලින් ඉවතට යන ලෙස ජනතාවට අනතුරු අඟවා ඇති බවයි.
මීට අමතරව පැසිෆික් සුනාමි අනතුරු ඇඟවීමේ මධ්යස්ථානය පැවසුවේ ෆීජි, කිරිබති, පැපුවා නිව්ගිනියාව, ගුවාම් සහ අනෙකුත් පැසිෆික් දූපත් සඳහා කුඩා රළ ඇතිවීමේ අවධානමක් ඇති බවයි.
සටහන-සශිකලා මධුෂාණී
