එක් දිනයක් තුළ පාර්ලිමේන්තු මන්ත්‍රීවරයකු ඝාතනයට ලක්ව තවත් මන්ත්‍රීවරුන් 72 දෙනෙකුගේ නිවාසවලට ප්‍රහාර එල්ල වී ඔවුන්ට නිවාස අහිමි කෙරුණේ ලෝක ඉතිහාසයේ පළමු වතාවට මැයි 09 වනදා ශ්‍රී ලංකාවේදී බව කැබිනට් ප්‍රකාශක අමාත්‍ය බන්දුල ගුණවර්ධන මහතා පවසයි.
ඒ අනුව මැයි 09 වෙනිදා සිදුවීම ලෝක ඉතිහාසයෙහි කළු පැල්ලමක් බවයි ඒ මහතා සඳහන් කළේ.
කැබිනට් ප්‍රකාශකවරයා වශයෙන් පත්ව අමාත්‍ය මණ්ඩල තීරණ දැනුම්දීමේ පළමු මාධ්‍ය හමුවට එකතු වෙමින් ඒ මහතා මේ බව ප්‍රකාශ කළේය.
එමෙන්ම තමන්ගේ නිවාස තුළ බියෙන් තොරව ජීවත්වීමේ අයිතිය නව ආණ්ඩුක්‍රම ව්‍යවස්ථාව මගින් හෝ තහවුරු කළයුතු බව අවධාරණය කළ ඒ මහතා මනුෂ්‍ය ඝාතනයකට පසු දරුණුතම අපරාධය වන්නේ නිවසක් ගිනිතැබීම බවත් සඳහන් කළේය.
RN
