සටහන: සශිකලා මධුෂාණි
මැයි 24; ලෝකය(අවුට්බවුන්ඩ් ටුඩේ): අද(14) නිරිතදිග පාකිස්ථානයේ විමුක්තිවාදී කැරැල්ලට ගොදුරු වූ බලුකිස්තාන් පළාතේ අගනුවරවන ක්වෙටාහි හරහා මගී දුම්රියක් ගමන් කරන අතරතුර මරාගෙන මැරෙන බෝම්බකරුවෙකු බෝම්බයක් පුපුරුවා හැරීමෙන් අවම වශයෙන් පුද්ගලයින් 23 දෙනෙකු මිය ගොස් තවත් 70 කට වැඩි පිරිසක් තුවාල ලබා තිබේ.
තුවාලකරුවන් 20 දෙනෙකුගේ තත්වය බරපතල බව සෞඛ්‍ය අංශ වාර්තා කර ඇති අතර පිපිරීම හේතුවෙන් දුම්රිය මැදිරි දෙකක් පෙරළී ගිනි ගෙන ඇත.
මෙම බෝම්බ පිපිරිම ආරක්ෂක හමුදා සාමාන්‍යයෙන් ස්ථානගත කර ඇති ප්‍රදේශයක සිදුව ඇති අතර, අසල ගොඩනැගිලි කිහිපයකට දැඩි හානි සිදු වූ අතර, මාර්ගය දිගේ නවතා තිබූ වාහන විශාල සංඛ්‍යාවක්ද විනාශ වී ඇත.
පකිස්ථාන මධ්‍යම රජයෙන් නිදහස ඉල්ලා සිටින නීති විරෝධී බලුච් විමුක්ති හමුදාව හෙවත් BLA විසින් ප්‍රහාරයේ වගකීම භාරගෙන ඇති අතර අගමැති ෂෙබාස් ෂරීෆ් ප්‍රහාරය දැඩි ලෙස හෙළා දකිමින් මෙය බියගුලු ත්‍රස්තවාදී ක්‍රියාවක් ලෙස හඳුන්වා ඇති අතර වින්දිතයින්ගේ පවුල්වලට ශෝකය ද පළකර තිබේ.
