සටහන – රෂිකා හෙන්නායක
කොළඹ (LNW): අද (24) දින මහජන උපයෝගිතා කොමිසමේ සභාපති ජනක රත්නායක මහතා ඉවත් කිරීම පිළිබඳව යෝජනාව පාර්ලිමේන්තුවේ විවාදයට ගැනීමට නියමිතව තිබේ.
හිටපු ජනාධිපති ගෝඨාභය රාජපක්ෂ මහතා විසින් , 2021 වසරේ මාර්තු 14 වැනි දා ජනක රත්නායක මහතා මහජන උපයෝගීතා කොමිසමේ සභාපතිවරයා ලෙස පත්කළ අතර 2022 රට තුළ උද්ගත වූ බරපතළ ආර්ථික අර්බුදයත් සමග ඇති වූ විදුලිය අර්බුදයට විකල්ප පිලියම් මහජන උපයෝගීතා කොමිසම යෝජනා කලත් ඒවා ක්රියාත්මක වූයේ නැත.
2022 වසරේ ජනවාරි හා අගෝස්තු මාසවල විදුලිය ගාස්තු වැඩි කිරීමට ඉදිරිපත් කළ යෝජනාවලට කොමිසමේ සභාපතිවරයා දැක් වූ විරෝධය මත සභාපතිවරයා සම්බන්ධයෙන් වන මත ගැටුම් තවත් උග්ර තත්ත්වයකට පත් වූ අතර , ජනක රත්නායක මහතා මේ අවස්ථා දෙකේදීම අවධාරණය කළේ, ගාස්තු ගණනය කරන විද්යාත්මක ක්රමවේදයට අනුව ආණ්ඩුව යෝජනා කරන ප්රතිශතයට වඩා අඩු ප්රතිශතයකින් ජනතාවට සහන සැලසිය හැකි ආකාරයට ගාස්තු වැඩිකළ හැකි බවයි. දිගින් දිගටම පැමිණි තර්ක, මතභේදාත්මක තත්ත්වය හමුවේ, සභාපතිවරයා ඉවත් කිරීම සම්බන්ධයෙන් වූ යෝජනාව අද (24) දින පාර්ලිමේන්තුවේදී විවාදයට ගැනීමට නියමිතව ඇත .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
