රටතුළ පවතින ඖෂධ හිගය සම්බන්ධයෙන් විමසා බැලීම සඳහා අග්‍රමාත්‍ය රනිල් වික්‍රමසිංහ මහතාගේ ප්‍රධානත්වයෙන් ඊයේ (25) විශේෂ සාකච්ඡාවක් පැවැත්විණි. මෙම සාකච්ඡාව සඳහා සෞඛ්‍ය අමාත්‍ය කෙහෙළිය රඹුක්වැල්ල මහතා, වරාය හා නාවික අමාත්‍ය නිමල් සිරිපාල ද සිල්වා මහතා ඇතුළු මැති ඇමතිවරුන් පිරිසක් හා වෘත්තීය සමිති නියෝජිතයන් පිරිසක්ද සහභාගි වූහ.
රටතුළ පවති ඖෂධ හිගයට ජාතික ඖෂධ නියාමන අධිකාරියද වගකිව යුතු බවට මෙම සාකච්ඡාවේදී චෝදනා එල්ල වී තිබෙනවා.
එකී චෝදනා සම්බන්ධයෙන් පැහැදිලි කරමින් අද ජාතික ඖෂධ නියාමන අධිකාරිය මාධ්‍ය නිවේදනයක් නිකුත් කර තිබෙනවා. එම අධිකාරිය පවසන්නේ ඖෂධ හිගයට හේතුව ඩොලර් අර්බුදය බවයි. ඒ සඳහා ජාතික ඖෂධ නියාමන අධිකාරියට වගකිව නොහැකි බව එම අධිකාරිය අවධාරණය කරනවා.
පවතින වත්මන් දුෂ්කර තත්වය හමුවේ ඖෂධ හිගය අවම කර ගැනීම සඳහා ඖෂධ නියාමන අධිකාරිය ගතහැකි සියලුම පියවර ගෙන තිබෙන බවද අදාල නිවේදනයේ සඳහන් වේ.
UN
