ගාලුමුවදොර ”ගෝඨා ගෝ ගම” අරගලකරුවන් හා සම්බන්ධ වී ඔවුන්ගේ ගැටළු සම්බන්ධයෙන් සාකච්ජා කරමින් ඉදිරි වැඩපිළිවෙල සඳහා තරුණ අදහස් හා යෝජනා ලබා ගැනීමට අගමැතිවරයා විසින් අවස්ථාව සලසා දී තිබේ.
අග්‍රාමාත්‍යවරයා හා සම්බන්ධ විය හැකි නිල වෙබ් අඩවිය වන pmoffice.gov.lk හරහායි එම අවස්ථාව උදා කර දී ඇත්තේ.
ඒ අනුව ගෝඨා ගෝ ගම අරගල භූමියේ සිටින ප්‍රජාවට පමණක් නොව වෙනසක් බලාපොරොත්තු වන ඕනෑම කෙනෙකුට එම වෙබ් අඩවිය ඔස්සේ සිය අදහස් හා යෝජනා රජය වෙත ලබා දිය හැකිය.
ආරම්භයේ පටන්ම අගමැති රනිල් වික්‍රමසිංහ මහතා මෙම ජන අරගලය සම්බන්ධයෙන් සුභවාදී අදහස් දැරූ අතර එය තවදුරටත් පවත්වාගෙන යා යුතු බවත් ඊට අවශ්‍ය සහය ලබා දීමට රුවන් විජයවර්ධන මහතාගේ ප්‍රධානත්වයෙන් කමිටුවක් පත් කිරීමටත් කටයුතු කර තිබුණි.
ASK
