සටහන: සශිකලා මධුෂාණි
මැයි 29; ලෝකය(අවුට්බවුන්ඩ් ටුඩේ): 1685 දී ප්‍රංශයේ XIV වන ලුවී රජු විසින් අත්සන් කරන ලද 17 වන සියවසේ නීතියකට තිත තබමින් වසර 341කට පසු ප්‍රංශය වහල් භාවය සම්බන්ධයෙන් බලපැවැත්වුණු වගන්තියක් (නොයර් කේතය) ඒකමතිකව සම්පුර්ණයෙන්ම අවලංගු කර තිබේ.
ඊයේ(28) දිනයේදී 250-0 වශයෙන් රටේ දැඩි ලෙස බෙදී ගිය ජාතික සභාව එය අවලංගු කිරීමට ඒකමතිකව ඡන්දය ප්‍රකාශ කර තිබිණ.
මෙම වගන්තිය යටතේ පුද්ගලයන් දේපලක් වශයෙන් සලකන අතර එහිදී වහල් භාවයට පත්වූ තැනැත්තාට වැඩ කිරීමට, පහර දීමට, විකිණීමට, දූෂණය කිරීමට හෝ මරා දැමීමට ඉඩ සලසන නොයර් කේතය ක්‍රියාත්මක වූ අතර එය විධිමත්ව අවලංගු කර නොතිබිණි. මෙම නීති සංග්‍රහය තුළ ඇති වගන්ති 60න් වහලෙකුගේ ජීවිතයේ සෑම අංශයක්ම ආවරණය කර තිබිණි.
නීතිය අවලංගු කිරීමේ යෝජනාව ඉදිරිපත් කළ දකුණු කැරිබියන් හි ග්වාඩලූප් හි ප්‍රංශ මන්ත්‍රීවරයෙකු වන මැක්ස් මතියාසින් සඳහන් කර තිබුණේ, වහල්භාවයට පත් වූ මිනිසුන්ගේ මී මුනුබුරා ලෙස, මට එය කිසි විටෙකත් සම්පූර්ණයෙන් කියවීමට නොහැකි වූ බවත්, කිසිම ඡන්දයකට පමණක් සියවස් ගණනාවක බිඳ වැටුණු ජීවිත අලුත්වැඩියා කළ නොහැකි බවත්ය.
බ්‍රිතාන්‍යය සහ පෘතුගාලයෙන් පසු ලොව තුන්වන විශාලතම වහල් වෙළඳාම ප්‍රංශය තුළ ක්‍රියාත්මක වූ අතර එය ඇස්තමේන්තුගත අප්‍රිකානුවන් මිලියන 1.4 කි.
