ඩීසල් තොග ඉන්ධන පිරවුම්හල් වෙත නිකුත් කිරීම සීමා කිරීමට විදුලිබල හා බලශක්ති අමාත්‍යංශය තීරණය කර තිබෙනවා. මීට අමතරව භූමිතෙල් නිකුත් කිරීමද සීමා කර ඇති බවයි වාර්තා වන්නේ.
ඉන්ධන තොග කළමනාකරණය කර ගැනීමේ අරමුණින් සීමා සහිතව ඩීසල් සහ භූමිතෙල් නිකුත් කිරීමට පියවර ගත් බවයි අමාත්‍ය කංචන විජේසේකර මහතා පවසන්නේ.
ඛනිජ තෙල් සංස්ථා ආරංචි මාර්ග පවසන්නේ දැනට ඉතිරිව ඇති ඩීසල් තොග දින 05 කට පමණක් ප්‍රමාණවත් බවයි. ඒ අනුව ඉදිරියේදී අත්‍යවශ්‍ය සේවා සඳහා පමණක් ඩීසල් නිකුත් කිරීමට සිදුවීමේ අවදානමක්ද මතුව තිබේ.
මීලඟ ඩීසල් නෞකාව ජුනි 01 වැනිදා මෙරටට පැමිණීමට නියමිත අතර අනෙක් ඩීසල් නෞකාව පැමිණීමට නියමිතව තිබෙන්නේ තවත් සති දෙකක් ඉක්මව ගිය පසුවයි.
UN
