කොළඹ LNW:ජාතික ශිෂ්‍යභට බළකායේ විෂය මාලාවට මූල්‍ය සාක්ෂරතාව ඇතුළත් කිරීමට සැලසුම් කර ඇති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා ප්‍රකාශ කළේය .
ප්‍රමාණවත් නොවන ඉතිරිකිරීම්,නොදැනුවත් ආයෝජන තීරණ සහ පිරමීඩ යෝජනා ක්‍රම වැනි වංචාවන්ට ගොදුරු වීම වැනි මූල්‍ය කළමනාකරණයට අදාළ සමාජ ගැටලු නිරීක්ෂණයට ප්‍රතිචාරයක් ලෙස මෙම පියවර ගනු ලබනු බවයි අමාත්‍යවරයා පැවසුවේ.
රාජ්‍ය අමාත්‍යවරයා විසින් මේ වන විටත් ලංකා බැංකුවේ සභාපති කාවන් රත්නායක මහතා සමඟ මේ පිළිබද සාකච්ඡා කර ඇති අතර ඔහු මෙම වැඩපිළිවෙල සඳහා පුහුණුව සහ දැනුම බෙදාගැනීමේ සහාය ලබා දීමට කැමැත්ත පළ කර ඇත.
