සටහන – රෂිකා හෙන්නායක
ජුනි 02 , කොළඹ (LNW): අද (02) දින පස්වරු 2 ට ශ්‍රී ලංකා නිදහස් පක්ෂයේ මධ්‍යම කාරක සභාව කොළඹ ඩාලි පාරේ පිහිටි ශ්‍රී ලංකා නිදහස් පක්ෂ මූලස්ථානයේදී රැස්වෙයි.
පක්ෂයේ වැඩබලන සභාපති නිමල් සිරිපාල ද සිල්වා මහතාගේ සහභාගීත්වයෙන් එම රැස්වීම පැවැත්වෙන බව, ශ්‍රී ලංකා නිදහස් පක්ෂයේ ප්‍රචාරක ලේකම් තිසර ගුණසිංහ මහතා සඳහන් කළ අතර, මධ්‍යම කාරක සභා රැස්වීමෙන් අනතුරුව, ශ්‍රී ලංකා නිදහස් පක්ෂ ආසන සංවිධායකවරුන්ගේ හමුවක් ද පැවැත්වීමට නියමිත බව පැවසේ.
ඒ සඳහා සියලු දිස්ත්‍රික්කවල ආසන සංවිධායකවරුන්, දිස්ත්‍රික් සංවිධායකවරුන් සහ සම සංවිධායකවරුන් කැඳවා ඇතැයි ඔහු ප්‍රකාශ කළ අතර, එම සාකච්ඡා පැවැත්වෙන්නේ, පක්ෂයේ ඉදිරි දේශපාලන කටයුතු සම්බන්ධයෙන් සාකච්ඡා කිරීමේ අරමුණින් බවද පැවසීය.
