සටහන: සශිකලා මධුෂාණි,ජුනි 02,
ලෝකය(අවුට්බවුන්ඩ් ටුඩේ) : සෑම වසරකම කාන්තාවන් මිලියන 2 කට වඩා වැඩි ප්‍රමාණයක් පියයුරු පිළිකාවෙන් පෙළෙන අතර එය මේවන විට වඩාත් සුලභ රෝගයකි. ඒ වෙනුවෙන් මෑත දශක කිහිපය තුළ ප්‍රතිකාරය වැඩිදියුණු වී ඇතත්, පිළිකාව බොහෝ විට නැවත පැමිණෙන අතර, එසේ වුවහොත් එය සාමාන්‍යයෙන් වඩාත් දියුණු අවධියක පවතී.
නමුත් දැන් ලෝකයේ විශාලතම පිළිකා සම්මන්ත්‍රණයට ඉදිරිපත් කරන ලද පර්යේෂණයකට අනුව, පෙන්නුම් කර ඇත්තේ පුද්ගලා රෝපිත දියර බයොප්සි මගින් පිළිකා නැවත පැමිණෙන බවට ඉතා ඉක්මනින් අනතුරු ඇඟවීමේ සංඥාවක් සැපයිය හැකි බවයි.
චිකාගෝ හි පැවති ඇමරිකානු සායනික ඔන්කොලොජි සංගමයේ වාර්ෂික රැස්වීමේදී හෙළිදරව් කරන ලද පරීක්ෂණවල අත්හදා බැලීමේ ප්‍රතිඵල වලට අනුව නව රුධිර පරීක්ෂණයකින් පියයුරු පිළිකාව නැවත පැමිණීමේ අවදානම වසර තුනකට පෙර පුරෝකථනය කළ හැකි අතර එමඟින් වැළැක්වීමේ ප්‍රතිකාර අවශ්‍ය කුමන කාන්තාවන්ටද යන්න අනාවරණය කර ගත හැක. අතිශය සංවේදී දියර බයොප්සි ක්‍රියා කරන්නේ පිළිකා සෛල මගින් රුධිරයට මුදා හරින සංසරණ පිළිකා DNA (ctDNA) සොයා ගැනීමෙනි.
විශේෂඥයන් බලාපොරොත්තු වන්නේ මෙම නව සොයාගැනීම් මගින් බොහෝ කලකට පෙර ප්‍රතිකාර ආරම්භ කර ජිවිත අවධානම වලක්වා ගත හැකි බවයි.
