සටහන – රුවන් නෙළුගොල්ල
ජාතික බදු සතිය අද (ජුනි 02) සිට ආරම්භ වේ.
ඒ අනුව, එහි සමාරම්භක උත්සවය ජනාධිපති අනුර කුමාර දිසානායක මහතාගේ ප්‍රධානත්වයෙන් අද උදෑසන ජනාධිපති ලේකම් කාර්යාලයේදී පැවැත්වීමට නියමිත ය.
මෙහිදී අද සිට 07වැනිදා දක්වා ක්‍රියාත්මක සතිය තුළ බදු ගෙවීම් සම්බන්ධයෙන් ජනතාව දැනුම්වත් කිරීමට අපේක්ෂා කෙරේ.
රටේ බදු ආදායම ඉහළ නැංවීමට ප්‍රවේශයක් ලෙස බදු සතිය ක්‍රියාත්මක කරන බවත් ජනතාව තුළ බදු ගෙවීමට ඇති වී ඇති අසුබවාදි ආකල්පය සුබවාදී ආකල්පයක් බවට පරිවර්තනය කිරිමත් බදු ක්‍රමයේ ඇති විනිවිදභාවය සහ වගවීමෙන් යුක්ත නව බදු සංස්කෘතියක් ඇති කිරීමත් යන ප්‍රධාන කාරණා අරමුණු කරගනිමින් මෙය ක්‍රියාත්මක කරන බවත් ජනාධිපති ජ්‍යෙෂ්ඨ අතිරේක ලේකම් යූ.ඩී. එන් ජයවීර මහතා සඳහන් කළේය.
“අපේ බදු මුදල් අපි වෙනුවෙන්” යන තේමාව යටතේ මෙම වැඩසටහන ක්‍රියාත්මක කෙරෙන බවයි ඒ මහතා වැඩිදුරටත් පැවසුවේ.
