මෙම වසරේ උසස් පෙළ විභාගය අගෝස්තු මාසයේදී පැවැත්වීමට හැකියාවක් නොමැති බව අධ්‍යාපන අමාත්‍ය සුසිල් ප්‍රේම්ජයන් මහතා පවසනවා. ඔක්තෝබර් – නොවැම්බර් කාලසීමාව තුළදී විභාගය පැවැත්වීමට හැකිවනු ඇති බවට ඇමතිවරයා විස්වාසය පළ කරනවා.
අද කොළඹදී මාධ්‍ය හමුවක් පවත්වමින් ඔහු මේ බව සඳහන් කළේය.
මේ අතර මෙම වසරට නියමිත 05 ශ්‍රේණිය ශිෂ්‍යත්ව විභාගයද නියමිත කාලසීමාවේදී පැවැත්වීමට නොහැකි වන බව ඇමතිවරයා සඳහන් කරයි. කෙසේ නමුත් මෙම වසර අවසන්වීමට පෙර විභාගය අනිවාර්යෙන් පවත්වන බවද ප්‍රේම්ජයන්ත් මහතා පවසනවා.
දෙසැම්බර් තෙවැනි සතිය දක්වා පාසල් පැවැත්වෙන බැවින් සිසුන්ට අධ්‍යාපනය ලැබීමට උපරිම අවස්ථාව ලබා දී ශිෂ්‍යත්ව විභාගය පැවැත්වීමට අදහස් කරන බව ඇමතිවරයා සඳහන් කරයි.
UN
