සටහන – රෂිකා හෙන්නායක
ජුනි 03 ලෝකය (අවුට්බවුන්ඩ් ටුඩේ): මෙක්සිකෝ ජනාධිපති ධුරය ‘මොරේනා’ පක්ෂය නියෝජනය කළ අපේක්ෂිකා ක්ලෝඩියා ෂින්බෝන් පේද්‍රෝ ට හිමි වී තිබෙනවා.
විදෙස් මාධ්‍ය වාර්තා කරන්නේ, මෙක්සිකෝ ඉතිහාසයේ කාන්තාවකට ජනපති ධුරය හිමි වුයේ පළමු වරට බවයි. ක්ලෝඩියා යුදෙව්වකු වන අතර, යුදෙව් කාන්තාවකට මෙක්සිකෝ ජනාධිපති ධුරය හිමිවුණු පළමු අවස්ථාව වන්නේ ද මෙයයි.
1962 වසරේ උපත ලැබූ ක්ලෝඩියා දේශපාලනයට පිවිසීමට පෙර, විද්‍යාඥවරියක්. 2018 සිට 2023 දක්වා මෙක්සිකෝ සිටි ප්‍රාන්තයේ ආණ්ඩුකාරවරිය ලෙස කටයුතු කළේ ද ඇයයි.
ක්ලෝඩියා, මෙවර ජනාධිපතිවරණයට ඉදිරිපත් වූයේ ධුරයෙන් ඉවත් වීමට සූදානමින් සිටින ජනාධිපති මැනුවෙල් ලෝපේස්ගේ අනුප්‍රාප්තිකයා ලෙස වන අතර, මෙක්සිකෝ ජනාධිපතිවරයාගේ ධුර කාලය වසර 6 කි.
