රෂිකා හෙන්නායක ජුනි 04, කොළඹ LNW :
කැනඩාවේ ටොරොන්ටෝහි සිදු වූ සමූහ වෙඩි තැබීමේ සිද්ධියකින් එක් අයෙකු මියගොස් තවත් කිහිප දෙනෙකු තුවාල ලබා තිබේ. ප්‍රාදේශීය මාධ්‍යවලට අනුව, වෙඩි තැබීම උතුරු යෝර්ක් හි ලෝරන්ස් හයිට්ස් අසල්වැසි ප්‍රදේශයේ සිදු වූ බව වාර්තා වේ.
“ජීවිතයට තර්ජනයක් නොවන වෙඩි තැබීමේ තුවාල” සහිතව අවම වශයෙන් පුද්ගලයින් පස් දෙනෙකු රෝහල් ගත කර ඇති බව ටොරොන්ටෝ පොලිසිය තහවුරු කර තිබේ.
ප්‍රාදේශීය මාධ්‍ය වාර්තාවලට අනුව, සිද්ධිය වූ මුළු ප්‍රදේශයම වටලා ඇති අතර වෙඩික්කරු සොයා පරීක්ෂණයක් සිදුවෙමින් පවතින බව විදෙස් මාධ්‍ය වාර්තා කරයි.
