“ආහාර බෝග නිෂ්පාදන ජාතික සංග්‍රාමය” වැඩසටහනේ හම්බන්තොට දිස්ත්‍රික් වැඩසටහන ඊයේ (04) අම්බලන්තොටදී කෘෂිකර්ම අමාත්‍ය මහින්ද අමරවීර මහතාගේ ප්‍රධානත්වයෙන් ආරම්භ වුණු අතර එම රැස්වීම පැවති අම්බලන්තොට ප්‍රාදේශීය ලේකම් කාර්යාලයේ ගේට්ටුව අසල ගොවීහු පිරිසක් විරෝධතාවක නිරත වූහ.
අමාත්‍යවරයා රැස්වීම අවසන් කර පිටතට පැමිණෙන තුරු එම ගොවීන් ගේට්ටුව අසල බලා සිටි අතර ගේට්ටුවෙන් පිටතට පැමිණි නිල රථයේ අමාත්‍යවරයා නොසිටීම හේතුවෙන් ගොවීන් අතර උණුසුම් තත්වයක් ඇතිවිය.
“හොර ඇමතියා පැනලා ගිහිල්ලා” යැයි කියමින් ඔවුන් විරෝධය පළ කරනු එහිදී දැකගත හැකිවිය.
කෙසේවෙතත් මාධ්‍ය කළ විමසීමකදී අමාත්‍ය මහින්ද අමරවීර මහතා ප්‍රකාශ කර තිබුණේ තමන් කිසිසේත් පසුපස දොරටුවෙන් පළා නොගිය බවත් ගොවීන් සමග සාකච්ඡා කිරීමට තමන් සූදානම් බවත් ය.
RN
