සටහන: සශිකලා මධුෂාණි, ජුනි 07,
ලෝකය (අවුට්බවුන්ඩ් ටුඩේ) : දිනක අඟහරු ග්‍රහයා වෙත මිනිසුන් යැවීමේ බලාපොරොත්තුවෙන් නිර්මාණය කර ඇති ලොව විශාලතම සහ බලවත්ම රොකට්ටුව වන SpaceX Starship ඊයේ(06) දිනයේදී එහි සාර්ථකම පරීක්ෂණ පියාසැරිය අවසන් කර, පිපිරීමකින් තොරව පෘථිවියට ආපසු පැමිණ ඇති බව වාර්තා වේ.
SpaceX ප්‍රධාන විධායක නිලධාරී Elon Musk ඔහු සතු සමාජ මාධ්‍ය වේදිකාව වන ‘X’ සඳහන් කර තිබුණේ, මානව වර්ගයාගේ අනාගතය සඳහා අද විශිෂ්ට දවසක් ලෙසයි.
මෙම මෙහෙයුමේ සාර්ථකත්වය සම්බන්ධයෙන් නාසා ආයතනය සඳහන් කර තිබුණේ, මනුෂ්‍යත්වය සඳට සහ අඟහරු වෙත ගෙන යාමට අපේක්ෂා කරන නැවත භාවිතා කළ හැකි රොකට්ටුවක් සංවර්ධනය කිරීමේ සමාගමේ සැලැස්මේ තීරණාත්මක සන්ධිස්ථානයක් සලකුණු කරන බවයි. 2030 වන විට සිය ගගනගාමීන් සඳ මත යැවීමට සැලසුම් කරන චීනය මේ වන විට කටයුතු කරමින් සිටින අතර 2026 අග භාගයේදී ගගනගාමීන් සඳ මතට ගෙන ඒමට නියමිත Artemis III සඳහා SpaceX Starship එකක් භාවිතා කිරීමට NASA සැලසුම් කර තිබේ.
අද උදෑසන Starship හි සාර්ථක පරීක්ෂණ පියාසැරියට SpaceX වෙත සුබ පැතුම් එක් කරමින් NASA ප්‍රධානී Bill Nelson X හි සඳහන් කර තබුනේ, ‘#Artemis හරහා මනුෂ්‍යත්වය නැවත සඳ වෙත ගෙන ඒමට අපි තවත් පියවරක් සමීපව සිටිමු – ඉන්පසු අඟහරු දෙස බලා සිටිමු’ යනුවෙනි,
