සටහන – රෂිකා හෙන්නායක ජුනි 08 , කොළඹ (LNW):
ජනාධිපති රනිල් වික්‍රමසිංහ මහතා හෙට (09) ඉන්දියාවට යාමට නියමිතව ඇත.
ඒ, ඉන්දියානු මහ මැතිවරණයෙන් ජයග්‍රහණය කළ අග්‍රාමාත්‍ය නරේන්ද්‍ර මෝදි මහතාගේ දිවුරුම් දීමේ උත්සවයට සහභාගී වීම සඳහායි.
අනතුරුව ජනාධිපතිවරයා දින දෙකක කාලයක් ඉන්දියාවේ රැදී සිටිනු ඇති බව පැවසේ.
ජනාධිපති වික්‍රමසිංහ මහතා මෙම උත්සවයට සහභාගී වන්නේ ඉන්දියානු අග්‍රාමාත්‍යවරයා සිය දිවුරුම් දීමේ උළෙලට සහභාගීවන ලෙස කළ ආරාධනයක් අනුවයි .
ඉන්දීය මාධ්‍ය වාර්තා පැවසුවේ, දිවුරුම් දීමේ උත්සවය හේතුවෙන් නවදිල්ලි නුවර ආරක්ෂාව තර කර ඇති බවයි.
