අග්රාමාත්යවරයා සහ තමන් අතර විරසකයක් ඇති බවට පළවන මාධ්ය සහ සමාජ මාධ්ය වාර්තා තරයේ ප්රතික්ෂේප කරන බව ශ්රී ලංකා මහබැංකු අධිපති නන්දලාල් වීරසිංහ මහතා පවසයි.
ඒ අනුව අග්රාමාත්ය රනිල් වික්රමසිංහ මහතා සහ තමන් අතර සුහද සබඳතාවක් ඇති බවත් රටේ ආර්ථිකය යථාවත් කිරීම සඳහා සෑම විටම තමන් එක්ව කටයුතු කරන බවත් ඒ මහතා සඳහන් කර තිබේ.
ශ්රී ලංකා මහබැංකුව සිය නිල ට්විටර් ගිණුම ඔස්සේ මේ බව ප්රකාශ කර ඇත.
නන්දලාල් වීරසිංහ මහතාගේ ධුර කාලය ජුනි 30 වනදායින් අවසන් වීමටත් නියමිතව තිබේ. ඒ, නන්දලාල් වීරසිංහ මහතා මෙම තනතුරට පත්වූයේ 2016දී මහබැංකු අධිපති වූ ඉන්ද්රජිත් කුමාරස්වාමි මහතාගේ ධුර කාලයෙහි අවසන් භාගය සඳහා වීම හේතුවෙනි.
RN
