සටහන – රුවන් නෙළුගොල්ල
හිටපු නියෝජ්‍ය අමාත්‍ය සරණ ගුණවර්ධනට එරෙහිව අල්ලස් හෝ දූෂණ චෝදනා විමර්ශන කොමිසම විසින් ගොනු කර තිබූ නඩු හතරටම ඔහු වරදකරු වශයෙන් තීන්දු කෙරුණු අතර එක් එක් නඩුවට බරපතළ වැඩ සහිත වසර 4 බැගින් සිර දඬුවම් ද කොළඹ මහාධිකරණය නියම කළේය.
ඊට අමතරව ඔහුට රුපියල් ලක්ෂ 18ක දඩයක්ද කොළඹ මහාධිකරණ විනිසුරු මොහොමඩ් මිහායිල් මහතා විසින් නියම කරන ලදී.
2006 වසරේ ජාතික ලොතරැයි මණ්ඩලයේ සභාපතිවරයා වශයෙන් කටයුතු කරමින් සිටියදී එම මණ්ඩලයට කුලී පදනම යටතේ වාහන ලබා ගැනීමේදී රජයට පාඩු සිදු කළ බවට චෝදනා කරමින් අල්ලස් කොමිසම විසින් සරණ ගුණවර්ධනට එරෙහිව මෙම නඩු හතර ගොනු කර තිබිණි.
