කොළඹ LNW:මැදපෙරදිග කලාපීය යුද්ධය අවසන් කිරීමේ සාම ගිවිසුමක් සඳහා අමෙරිකා එක්සත් ජනපදය සහ ඉරානය අවසන් එකඟතාවයකට පැමිණ ඇති බව පාකිස්ථාන අග්‍රාමාත්‍ය ෂෙබාස් ෂරීෆ් සිය ‘X’ ගිණුමේ සටහනක් තබමින් පවසයි.
ඒ අනුව එහි ඊළඟ පියවරයන් සාර්ථක කර ගැනීම සඳහා තමන් දෙපාර්ශ්වය සමඟම සමීපව කටයුතු කරමින් සිටින බවයි ඔහු එහි සඳහන් කර ඇත්තේ.
“මීට පෙර කවදාවත් සාමය මේ තරම් සමීප වී තිබුණේ නැහැ” යනුවෙනි පාකිස්ථාන අග්‍රාමාත්‍යවරයා තවදුරටත් සඳහන් කර තිබෙන අතර මැදපෙරදිග කලාපයේ ගැටුම් අවසන් කර සාමය ඇති කර ගැනීම වෙනුවෙන් ඇමරිකාව හා ඉරානය අතර මැදිහත්කරුවෙක් ලෙස පාකිස්ථානය කටයුතු කළේය.
