කොළඹ LNW:අගෝස්තු මාසය වන විට උද්ධමනය තනි ඉලක්කමකට ගෙන ඒමට පියවර ගන්නා බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.
ඉදිරියේදී ණය මත පදනම්ව ආර්ථිකය ගොඩනගා ගත නොහැකි නිසා මේ වනවිට සියලු දේට ගැළපෙන සාර්ව ආර්ථික ප්‍රතිපත්තියක් ඉදිරිපත් කර තිබෙන හෙයින් සාමාන්‍ය වෙළෙඳපොළ ආර්ථිකයක් ඇති වීමට තව මාස කිහිපයක් ගතවනු ඇති බවයි සේමසිංහ මහතා පවසන්නේ.
රට තුළ පහුගිය කාලපරිච්ජේදය තුළ තෙල්, විදුලිය, ගෑස්වල සිට අත්‍යවශ්‍ය සේවා සැපයීම මේ වන විට සාමාන්‍ය තත්ත්වයට පත්ව ඇති බව හෙතෙම සඳහන් කරයි.
එමෙන්ම අත්‍යවශ්‍ය භාණ්ඩ මිල ඉහළ යෑම අද වනවිට නතර වී ඇති බවත් අත්‍යවශ්‍ය ආහාර මිල පහළ ගොස් ඇති බවත් හෙතෙම කියාසිටියි.
”හැබැයි උද්ධමනය අඩුවීමට සාපේක්ෂව ඒ වේගයෙන් අඩුවෙලා නෑ.හැබැයි මේ වගේ දරුණු ආර්ථික අර්බුදයක් තිබුණ රටක සාමාන්‍ය වෙළෙඳපොළ ආර්ථිකයක් ගොඩනැගෙන්න තව මාස කිහිපයක කාලයක් ගතවෙයි. අගෝස්තු මාසය වන විට උද්ධමනය තනි ඉලක්කමකට ගෙන ඒමට පියවර ගන්නවා.” යනුවෙන් තවදුරටත් රාජ්‍ය අමාත්‍යවරයා ප්‍රකාශ කර සිටියි.
ASK
