කොළඹ LNW:හිටපු අමාත්‍ය කෙහෙළිය රඹුක්වැල්ල, ඔහුගේ බිරිඳ සහ දියණියව අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබේ.
ඒ, වත්කම් බැරකම් සම්බන්ධයෙන් සිදුකරන විමර්ශනයකට අදාළවය.
අද (18) පෙරවරුවේ හිටපු ඇමතිවරයා අල්ලස් කොමිසමට කැඳවා තිබුණු අතර එම ප්‍රකාශයෙන් පසුව අත්අඩංගුවට ගැනීම කර තිබේ.
මීට ඉහතදී හිටපු අමාත්‍යවරයාගේ පුත්‍රයා වන රමිත් රඹුක්වැල්ල මෙන්ම එම නිවසේ සේවය කළ කාන්තාවක් ද අල්ලස් හෝ දුෂණ චෝදනා විමර්ශන කොමිෂන් සභාව විසින් අත්අඩංගුවට ගැනුණු අතර ඔවුන් ඇප මත නිදහස් කෙරුණි.
ආශිකා බ්‍රාහ්මණ
