කොළඹ නාගරික සීමාව තුළ පිහිටි සියලුම රජයේ සහ රජයේ අනුමත පෞද්ගලික පාසල් සතියකට වසා තැබීමට තීරණය කර තිබෙනවා. අධ්‍යාපන අමාත්‍යවරයාගේ ප්‍රධානත්වයෙන් අද පැවති සාකච්ඡාවකදී මෙම තීරණය ගෙන තිබේ.
ජනතාව මුහුණ දී සිටින ඉන්ධන අර්බුදයට තාවකාලික විසඳුමක් ලෙස මෙම පියවර ගත් බවයි අධ්‍යාපන බළධාරීන් පවසන්නේ.
පාසල්වලට නිවාඩු ලබා දුන්නද ඔන්ලයින් ක්‍රමය යටතේ අධ්‍යාපන කටයුතු සිදු කිරීමට අවස්ථාව තිබෙන බවද බළධාරීන් සඳහන් කරනවා.
ලබන සෙනසුරාදා (25) පැවැත්වෙන සාකච්ඡාවකදී සිදු කරන සමාලෝචනයකින් පසුව ඊළඟ සතියේ අධ්‍යාපන කටයුතු සිදු කරන්නේ කෙසේද යන්න පිළිබඳව තීරණය කිරීමට නියමිතය.
මේ වනවිට රාජ්‍ය ආයතන සඳහා සති දෙකක නිවාඩුවක් ප්‍රකාශයට පත්කර ඇති අතර නිවසේ සිට වැඩ කිරීමේ ක්‍රමවේදය අනුගමනය කිරීමට නියමිතය. මේ අතර පේරාදෙණිය විශ්වවිද්‍යාලයද වසා දැමීමට අද තීරණය කළේය.
UN
