පිටපිට සිව්වැනි දිනටත් කොළඹ කොටස් වෙළඳපොලේ පසුබෑමක් ඊයේ (18) වාර්තා විය.
ඒ අනුව ඊයේ දිනයේදී සියලු කොටස් මිල දර්ශකය (ASPI) ඒකක 210.51කින් පහළ ගිය අතර S&P SL20 දර්ශකය ඒකක 57.43කින් පහළ ගියේය. ගනුදෙනු අවසානයේ දී සියලු කොටස් මිල දර්ශක අගය ඒකක 17,071.44ක් ලෙසත් S&P SL20 දර්ශක අගය ඒකක 5,094.31 ක් ලෙසත් සටහන්ව තිබිණි.
මේත් සමග පසුගිය දින 04 තුළ දී සියලු කොටස් මිල දර්ශකය ඒකක 590 කින් පහළ ගොස් ඇති අතර වෙළෙඳපොළ ප්රාග්ධනීකරණය මෙම දින 04 තුළ රු. බිලියන 6,327.31 සිට රු. බිලියන 6,125.89ක් දක්වා රු. බිලියන 202කින් පහළ ගොස් තිබේ.
