මුදල් විශුද්ධිකරණය වැළැක්වීමේ පනත යටතේ සිදුකරන විමර්ශනයකට අදාළව අත්අඩංගුවට ගත් හිටපු අමාත්‍ය කෙහෙළිය රඹුක්වැල්ලගේ දියණියන් දෙදෙනෙකු සහ ඔහුගේ බෑනා ඇප මත මුදා හරින ලෙස කොළඹ ප්‍රධාන මහෙස්ත්‍රාත් තනූජා ලක්මාලී ජයතුංග මහත්මිය අද (19) නියෝග කළාය.
ඒ අනුව, එක් එක් සැකකරු රුපියල් පනස්දාසක මුදල් ඇප සහ රුපියල් මිලියන 5 බැගින් වූ ශරීර ඇප තුනක් බැගින් මත මුදාහැරීමටයි මහෙස්ත්‍රාත්වරිය නියෝග කළේ.
කෙසේවෙතත් ඇප කොන්දේසි සපුරාලීමට නොහැකිවීම හේතුවෙන් කෙහෙළිය රඹුක්වැල්ලගේ දියණියක් වන චමිත්‍රී ජයනික රඹුක්වැල්ල බන්ධනාගාර නිලධාරීන් විසින් රිමාන්ඩ් බන්ධනාගාරය වෙත රැගෙන යන ලදී.
