හෙට (20) සිට සමස්ත පෞද්ගලික බස් රථවලින් 50%ක් ධාවනයට කටයුතු කරන බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පවසයි.
ලංගම ඩිපෝ මගින් අඛණ්ඩව පෞද්ගලික බස් රථ සඳහා ඩීසල් ලබාදීමට බලශක්ති අමාත්‍යවරයා එකඟතාව පළ කිරීම මත මෙසේ හෙට දිනයේ සිට දිවයින පුරා පෞද්ගලික බස් රථ 10,000කට අධික ප්‍රමාණයක් ධාවනය කිරීමට පියවර ගන්නා බවයි ඒ මහතා සඳහන් කළේ.
එසේම මේ සතිය තුළ පෞද්ගලික බස් රථවලින් 70%ක් දක්වා ධාවනයට එක් කිරීමට කටයුතු කරන බව පැවසූ ඒ මහතා මෝටර් රථ සහ යතුරු පැදි වෙනුවට හැකිතාක් පොදු ප්‍රවාහන සේවා භාවිතා කරන්නැයි ජනතාවගෙන් ඉල්ලා සිටින බවත් ගැමුණු විජේරත්න මහතා ප්‍රකාශ කළේය.
RN
