කොළඹ LNW:දූෂණ විරෝධී පනත ආපස්සට ද බලපැවැත්වෙන ආකාරයට බලාත්මක විය යුතු බව සමඟි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා අවධාරණය කළේය.
ඒ, අද (21) එම පනත සමබන්ධයෙන් පාර්ලිමේන්තුවේ පැවැත්වෙන විවාදයට එක්වෙමිනි.
පනතේ සඳහන් කර තිබෙන අන්තර් කාලීන වගන්තිය ඊට ප්‍රමාණවත් නොවන අතර විපක්ෂය ලෙස එම සංශෝධනය ඉදිරිපත් කරන බවයි මන්ත්‍රීවරයා කියාසිටියේ.
එක්සත් ජාතීන්ගේ දූෂණ විරෝධී සම්මුතියට ශ්‍රී ලංකාව අත්සන් කළේ 2004 වසරේදී වන අතර මෙම පනත එම කාලය දක්වාම ආපස්සට බලපැවැත්වෙන පරිදි සංශෝධනය විය යුතු බව මන්ත්‍රීවරයා පැවසුවේය.
ශ්‍රේෂ්ඨාධිකරණය බලන්නේ ආණ්ඩුක්‍රම ව්‍යවස්ථවට පටහැනිද නැද්ද යන කාරණය පමණක් වන අතර ආපස්සට බලපැවැත්වෙන පරිදි පනත සකස් කිරීමට ආණ්ඩුවට දේශපාලන වුවමනාවක් තිබිය යුතු බවයි මන්ත්‍රීවරයා සඳහන් කළේ.
කෙසේවෙතත් පනත ආපස්සට බලාත්මක කිරීම අමතක කර එය ඉදිරියට බලපැවැත්වෙන ආකාරයට නම් ගේන්න හදන්නේ ඉන් රජයේ අරමුණ කුමක්ද යන්න පැහැදිලි බවද හෙතෙම ප්‍රකාශ කරන ලදී.
ASK
