සටහන – රුවන් නෙළුගොල්ල
ජනාධිපති රනිල් වික්‍රමසිංහ මහතා නැවත වතාවක් ජනාධිපති ධුරයට පත් කිරීමේ ප්‍රචාරණ ව්‍යාපෘතියක් වශයෙන් ත්‍රීරෝද රථවල ස්ටිකර් ඇලවීමේ වැඩසටහනක් අද (22) කොළඹ, මරදාන, සුදුවැල්ල ප්‍රදේශයේදී පැවැත්විණි.
ඒ, එක්සත් ජාතික පක්ෂයේ මැද කොළඹ ආසන සංවිධායක කිත්සිරි රාජපක්ෂ මහතාගේ ප්‍රධානත්වයෙනි.
“අභියෝගයට බය නැති රනිල් නැවත ජනපති කරමු” යනුවෙන් සඳහන් ස්ටිකර් ත්‍රීරෝද රථවල ඇලවීම මෙහිදී සිදුකෙරිණි.
ත්‍රීරෝද රථ හිමියන් රැසක් මෙම අවස්ථාවට ස්වේච්ඡාවෙන්ම එක්ව සිටි අතර ඔවුන් පැවසුවේ මීට වසර දෙකකට පෙර ඉන්ධන නොමැති වීම නිසා දින ගණන් පෝලිම්වල සිටින්නට සිදුවූ ආකාරය තමන්ට මතක බවත් මේ වනවිට රනිල් වික්‍රමසිංහ මහතා ඒ තත්වය දුරු කර ඇති අතර නැවත එවැන්නක් සිදු නොවීම සඳහා රනිල් වික්‍රමසිංහ මහතාටම තවත් ධුර කාලයක් රට පාලනය කිරීමේ අවස්ථාව ලබාදිය යුතු බවත් ය.
