සටහන – රෂිකා හෙන්නායක ජුනි 22 , කොළඹ (LNW):
වත්තේගම සිට අනුරාධපුර වන්දනාවේ යමින් සිටි ත්‍රී රෝද රථයක් බස් රථයක ගැටීමෙන් පුද්ගලයන් දෙදෙනෙකු ජීවිතක්ෂයට පත්වුණු බව සඳහන් වේ.
කිරුළුගම ප්‍රදේශයේදී මහනුවර දෙසට ගමන් කළ බස් රථයක මුහුණට මුහුණ ගැටීමෙන් අදාළ ත්‍රීරෝද රථය අනතුරට ලක්ව තිබෙන අතර, මාතලේ පොලීසිය සඳහන් කළේ, අනතුරෙන් ජීවිතක්ෂයට පත්ව ඇත්තේ එකම පවුලේ මව සහ දියණිය වන බවයි.
අනතුර සිදුවන අවස්ථාවේදී ත්‍රී රෝද රථය පැදවූ රියදුරා සහ එහි ගමන් කළ තවත් පුද්ගලයෙකු මාතලේ දිස්ත්‍රික් මහ රෝහලේ දැඩි සත්කාර ඒකකයේ ප්‍රතිකාර ලබන අතර, සිද්ධිය පිළිබඳ වැඩිදුර පරික්ෂණ ක්‍රියාත්මක බව පැවසේ.
