සටහන – රුවන් නෙළුගොල්ල
ගාල්ල, අක්මීමන, වැවේගොඩවත්ත ප්‍රදේශයේදී අද (ජුනි 23) අලුයම වෙඩි තැබීමක් සිදුව තිබේ.
එහිදී යතුරුපැදියකින් පැමිණි දෙදෙනෙකු මිලිමීටර් 9 වර්ගයේ ගිනිඅවියකින් නිවසකට වෙඩි තබා පළා ගොස් ඇති බවයි පොලීසිය ප්‍රකාශ කළේ.
වෙඩි තැබීමෙන් කිසිවෙකුට තුවාල සිදුවී නොමැති බව සඳහන්.
අදාළ නිවස හිමි පුද්ගලයා මිදිගම ප්‍රදේශයේ කර්මාන්ත ශාලාවක විධායක ශ්‍රේණියේ රැකියාවක නිරත වන අතර ඔහු මීට දින කිහිපයකට පෙර එහි සේවකයෙකුගේ ගැටලුවක් හේතුවෙන් සේවයෙන් ඉවත් කර ඇති බවත් අදාළ සේවකයා විසින් ඔහුට දුරකථන ඇමතුම් ලබා දී මීට පෙර තර්ජනය කර ඇති බවත් පොලීසිය පැවසීය.
ඒ අනුව එම පුද්ගලයා විසින් මෙම වෙඩිප්‍රහාරය එල්ල කරන්නට ඇති බවටයි පොලීසිය සැකපළ කරන්නේ.
