කොළඹ LNW:පසුගිය මාස 05ක කාලය තුළ මත්ද්‍රව්‍ය මර්දනය කිරීමේ මෙහෙයුම්වලට අදාළව හෙරොයින් සහ අයිස් මත්ද්‍රව්‍ය ටොන් දෙකකට ආසන්න ප්‍රමාණයක් නීතියේ රැහැනට හසු කරගැනීමට හැකිව තිබෙන බව මහජන ආරක්ෂක අමාත්‍ය ආනන්ද විජේපාල මහතා පවසයි.
පෙර කාලවලදී මෙන් මත්ද්‍රව්‍ය වැටලීම් ප්‍රදර්ශනාත්මකව හෝ දේශපාලන කටයුත්තක් ලෙස සිදුනොවුවද දෛනිකව එම මෙහෙයුම් ක්‍රියාත්මක බවයි අමාත්‍යවරයා සඳහන් කරන්නේ.
මත්ද්‍රව්‍ය රටට පැමිණීම වැලැක්වීම සඳහා රජයක් ලෙස ක්‍රියාමාර්ග ගනිමින් සිටින අතර පොලිස් දෙපාර්තමේන්තුව ඒ සඳහා මැදිහත්ව සිටින බව ද අමාත්‍යවරයා කියාසිටියි.
ආශිකා බ්‍රාහ්මණ
