Sunday, August 14, 2022
spot_img
spot_img

Latest Posts

ජනතාවට තම තමන්ගේ බරත් පාලකයින්ගේ බරත් දෙකම කර තියාගෙන යන්න වෙලා – සජිත් (VIDEO)

අද ජනතාවට සිදුව තිබෙන්නේ තම තමන්ගේ බරත් රට විනාස කරන දේශපාලඥයින්ගේ බරත් යන දෙකම කරට ගනීමට යැයි විපක්ෂ නායක සජිත් ප්‍රේමදාස මහතා පවසයි.

ජනතාවගේ දුක නොතේරෙන ආණ්ඩුව ජනතාවගේ ජීවිත සමග සෙල්ලම් කරමින් සිටින බව පැවසූ විපක්ෂ නායකවරයා ආණ්ඩුව කරන ඇත්තන්ට ජන දුක පිළිබඳව පිළිබඳව කිසිදු වගක් නැති බව ද සඳහන් කළේය.

සමගි ජන බලවේගයට ඇත්තේ ඉලක්ක සපුරන වැඩපිළිවෙළක් බවත් ඒ වෙනුවෙන් සමගි ජනබලවේගය ඇප කැප වෙන බවත් විපක්ෂ නායකවරයා අවධාරණය කළේය.

ආණ්ඩුවකින් මිනිස්සු බලාපොරොත්තු වන්නේ විසඳුම් මිස කරන්නට බැරි අඳෝනාවන් නොවන බව පැවසූ විපක්ෂ නායක සජිත් ප්‍රේමදාස මහතා, නමුත් දෙවසරක ආණ්ඩුව යටතේ අද ජනතාවට උරුම වී ඇත්තේ දේශපාලන රංගන පමණක් බවද පැවසීය.

දෙකොන දැල්වෙන විලක්කුවක් සේ යුද්ධ දෙකක් තිබූ රටක් භාරගත් රණසිංහ ප්‍රේමදාස මහතා එදා නොහැකියාව සහ බැරිකම ගැන කියමින් නොසිට වැඩ කළ බව ද විපක්ෂ නායකවරයා සිහිපත් කළේය.

වැඩ බැරිකම ගැන අඳෝනා නොකියූ ප්‍රේමදාස මහතා ඒ වෙනුවට වැඩ කරන හැටි පෙන්නු බව ද විපක්ෂ නායකවරයා පැවසීය.

රටේ ප්‍රශ්න විසඳන බවට කියා බලය ලබාගත් පාලකයින් රටම ඛේදවාචකයකට තල්ලු වී තිබියදීත් පොදු ජනතාව පෝලිම් වල ලතවෙමින් සිටියදීත් වායු සමීකරණ යන්ත්‍ර දමාගෙන යෝගා කරමින් සිටින බව කී විපක්ෂ නායකවරයා මේ ආණ්ඩුව උත්සාහ කරන්නේ මිනිසුන්ගේ දුකට මුවා වී හෝ තමන්ගේ මඩිය තරකර ගැනීම බවද පැවසීය.

විපක්ෂ නායක සජිත් ප්‍රේමදාස මහතා මේ බව පැවසුවේ පෙරේදා (23) ගාල්ල, හිනිදුම ප්‍රදේශයේ පැවති ආගමික උත්සවයකට එක්වෙමිනි.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.