සමගි ජන බලවේගයේ හොරණ ආසන සංවිධායක චරිත් අබේසිංහ සහ හිටපු අධිකරණ අමාත්‍ය විජයදාස රාජපක්ෂ මහතාගේ පුත්‍රයා වන නීතිඥ රඛිත රාජපක්ෂ අල්ලස් හෝ දුෂණ චෝදනා විමර්ශන කොමිසමේ නිලධාරීන් විසින් අත්අඩංගුවට ගෙන තිබේ.
ඒ, සංවිධානාත්මක අපරාධකරුවෙකු වන නදුන් චින්තක නොහොත් “හරක් කටා” නමැත්තාව ත්‍රස්තවාදය වැළැක්වීමේ පනත යටතේ රඳවා ගැනීමේ නියෝග වලින් ඉවත්කර, වෙනම බන්ධනාගාරයකට යොමු කිරීම සඳහාත් අපරාධ පරීක්ෂණ දෙපාර්තමේන්තුවේ නිලධාරීන්ට අල්ලස් දී ඔහුව සාමාන්‍ය සිරකරුවෙකු ලෙස රඳවා ගැනීම සඳහාත් 2023 වසරේදී රුපියල් ලක්ෂ 1200ක් අල්ලස් වශයෙන් ලබාගත් බව කියන සිද්ධියකට අදාළව බවයි අල්ලස් කොමිසම සඳහන් කරන්නේ.
එමෙන්ම, ගුවන් තොටුපොළ හා ගුවන් සේවා සමාගමේ හිටපු අධ්‍යක්ෂවරයකු අරුණ ශ්‍රී චතුරංග යන අයව ද මේ සිද්ධිය සම්බන්ධයෙන් අත්අඩංගුවට ගෙන ඇති බවත් එම කොමිසම පවසයි.
