නිශ්මං රණසිංහ ජුනි 27, කොළඹ LNW:
ශ්‍රී ලංකාව සහ බංගලාදේශය අතර පැවත්වෙන දෙවන ටෙස්ට් තරගයේ තෙවන දිනයේ දිවා භෝජනයෙන් සුළු වේලාවකට පසුව ලකුණු 458 ට දැවී ගියා.ඒ අනුව බංගලාදේශ පළමු ඉණිමට වඩා ලකුණු 211 ක් ශ්‍රී ලංකා පිළ ඉදිරියෙන් සිටිනවා.
පැතුම් නිශ්ශංකගේ අනගි ඉණිම අද ලකුණු 158 ක් ලබා සිටියදි නිමාවට පත් වුණා.උදෑසන සිටම තණිතීරුව පන්දු යවන්නන්ට වාසිදායන ලෙස හැඩ ගැහෙන බවක් පෙනෙන්නට තිබුණු අතර ඊට එරෙහිව අභියෝගාත්මක පිතිකරණයක නියැළුණු කුසල් මෙණ්ඩිස් ලකුණු 88 ක් ලබා සිටියදී අවාසනාවන්ත ලෙස දැවී යනවා.
පිතිකරණයේ වගකීම වැඩියෙන් තමා පිට පවරා ගැනීම අරමුණු කර ගෙන බංගලාදේශය යවන ලද 117 වන පන්දු ඕවරයේ පළමු පන්දුවට ලකුණු 2 ක් ලබා ගැනීමට ගත් උත්සාහයේදී කුසල්ට සිය කඩුල්ල අහිමි කර ගන්නට වෙනවා.පීඩනය හමුවේ ප්‍රති පීඩනයක් එල්ල කරමින් පන්දු 87 දී ලබා ගත් ලකුණු 84 වෙනුවෙන් කුසල් හයේ පහර දෙකක් සහ හතරේ පහර 8 ක් ද එල්ල කරනවා.
බංගලාදේශය වෙනුවෙන් යළිත් පන්දුවෙන් දස්කම් දැක් වූ ටයිජුල් ඉස්ලාම් ලකුණු 131 ට ලබා ගත් කඩුලු 5 දෙපිළිටම මේ තරගයේ තීරණය සම්බන්ධයෙන් දඟ පන්දුයවන්නන් තීරණාත්මක කාර්යභාරයක් ඉටු කරනු ඇති බවට කළ ඉඟි කිරීමක් වුණා.
ලකුණු විස්තරයට පිවිසෙන්න – https://bit.ly/3TubE7H
