රෂිකා හෙන්නායක ජූනි 28, කොළඹ LNW :
යටියන්තොට පොලිස් ස්ථානයේ රථවාහන අංශයේ ස්ථානාධිපතිවරයා සිය රාජකාරි ගිනිඅවිය සහ උණ්ඩ අස්ථානගත වීම හේතුවෙන් අත්අඩංගුවට ගෙන ඇත.
පසුගිය 26 වන දින සේවය සඳහා ලබාගත් මෙම ආයුධය නැවත භාර නොදීම සම්බන්ධයෙන් සීතාවකපුර කොට්ඨාස අපරාධ විමර්ශන කාර්යංශය විසින් පරීක්ෂණ පවත්වා තිබේ.
ඒ අනුව අදාළ උප පොලිස් පරීක්ෂකවරයා ඊයේ (27) දින අත්අඩංගුවට ගත් අතර ඔහුව අධිකරණයට ඉදිරිපත් කිරීමට නියමිතව තිබුණි.
මෙලෙස අත්අඩංගුවට ගත් සැකකරු රුවන්වැල්ල මහෙස්ත්‍රාත්වරයා හමුවට පමුණුවන බව වාර්තා සඳහන් කරයි.
