සටහන – රෂිකා හෙන්නායක
කොළඹ (LNW): විදුලි බිල අඩු කිරීමට විදුලි බල මණ්ඩලය ඉදිරිපත් කළ යෝජනාව සම්බන්ධයෙන් ලබන සිකුරාදා (30) තීරණයක් ගන්නා බව මහජන උපයෝගිතා කොමිසම පවසයි. අදාළ යෝජනාවලිය සම්බන්ධයෙන් මහජන අදහස් විමසීම ඊයේ (27) ක්රියාත්මක වූ බව එහි ජ්යෙෂ්ඨ නිලධාරියෙකු පැවසීය .
ලබන මස 01 වැනි දා සිට විදුලි බිල අඩු කිරීම සඳහා විදුලිබල මණ්ඩලය යෝජනා කර ඇති අතර , ඒ අනුව විදුලි බල මණ්ඩලය සැලසුම් කර ඇත්තේ , ඒකක 30 දක්වා ගෘහස්ථ හා ආගමික ස්ථානවල විදුලි ගාස්තුව 23% කින් ද හෝටල් හා කර්මාන්තායතනවල විදුලි ගාස්තුව 29% – 40% ක ප්රතිශතයකින් අඩු කිරීමටයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??