සටහන: සශිකලා මධුෂාණි
ජුනි 29; ලෝකය(අවුට්බවුන්ඩ් ටුඩේ): ඊශ්‍රායල යුද්ධය අතරතුර ගාසා තීරයේ මන්දපෝෂණයෙන් අවම වශයෙන් ළමුන් 66 දෙනෙකු මිය ගොස් ඇති බව UNICEF සංවිධානය තහවුරු කර තිබේ.
ඊශ්‍රායලය විසින් ගාසා තිරයට කිරි, පෝෂණ අතිරේක සහ අනෙකුත් ආහාර ආධාර ඇතුළුවීම වළක්වමින් දැඩි මර්ධනයක් ක්‍රියාත්මක කිරීම මේ සඳහා හේතු වී තිබේ.
ගාසා තීරයේ මන්දපෝෂණයෙන් පෙළෙන දරුවන්ගේ සංඛ්‍යාව භයානක අනුපාතයකින් ඉහළ යන බවට එක්සත් ජාතීන්ගේ ළමා ඒජන්සිය නිවේදනය කර ඇති අතර මැයි මාසයේදී පමණක් උග්‍ර මන්දපෝෂණය සඳහා ප්‍රතිකාර සඳහා මාස 6 ත් අවුරුදු 5 ත් අතර ළමුන් 5,119 ක් ඇතුළත් කර ඇති බවයි.
මෙහිදී UNICEF සංවිධානය වැඩිදුරටත් සඳහන් කර තිබුණේ, ඊශ්‍රායලයේ හිතාමතා ම කරන ලද මාරාන්තික අවහිර කිරීම යුද අපරාධයක් වන අතර එය සිවිල් වැසියන් සමූලඝාතනය කිරීම සඳහා හිතාමතාම කුසගින්න ආයුධයක් ලෙස භාවිතා කරන බවත්, කුසගින්න, රෝග සහ මන්දගාමී මරණයට ගොදුරු වීමට ඉතිරිව සිටින දරුවන්ගේ දුක් වේදනා සම්බන්ධයෙන් ලැජ්ජා සහගත ජාත්‍යන්තර නිහඬතාවය හෙළ දකින බවත්ය.
